“ပါသုံးပါ၊ ချာသုံးချာ၊ ကွာသုံးကွာ”

အိမ်ထောင်ဖက်ရွေးချယ်ခြင်းနှင့်ပတ်သက်၍ “ပါသုံးပါ၊ ချာသုံးချာ၊ ကွာသုံးကွာ” ဟူသော ရှေးရိုးစဉ်လာ စကားလေးမှာလည်း
မှတ်သားလိုက်နာဖွယ် ကောင်းလှပါသည်။

“ပါသုံးပါ” ဟူသည်
၁။ အကြွေးတွေ ပါလာသူ
၂။ ရောဂါဘယ ပါလာသူ
၃။ အပိုစားမည့်သူ ပါလာသူ

“ချာသုံးချာ” ဟူသည်
၁။ ပညာအရည်းအချင်း နုံချာသူ
၂။ အကျင့်စာရိတ္တ နုံချာသူ
၃။ အလုပ်အကိုင် နုံချာသူ

“ကွာသုံးကွာ” ဟူသည်
၁။ တိုင်းနိုင်ငံနှင့် လူမျိုးမတူ ကွာခြားသူ
၂။ အယူဝါဒမတူ ကွာခြားသူ
၃။ စိတ်သဘောမတူ ကွာခြားသူ
တို့ ဖြစ်ကြသည်။
ရှေးလူကြီး သူမများ၏ ပြောပြချက်အရ ယင်းအချက်ကိုးချက်နှင့် မကိုက်ညီသော အိမ်ထောင်ရေးသည် စိတ်ဆင်းရဲ၊ ကိုယ်ဆင်းရဲဖြစ်
တတ်ကြပြီး ကိုက်ညီသော အိမ်ထောင်ရေးများသည် များသောအားဖြင့် အဆင်ပြေ၍ စိတ်ချမ်းသာ ကိုယ်ချမ်းသာ ရှိကြလေသည်ဟု ဆိုသည်။


Ref: သိမှတ်ဖွယ်ရာ မြန်မာ့လျှို့ဝှက်ချက်(၁၀၀)

ဆက်ဖတ်ရန် >>>

ဘုရားကျောင်းဆောင်မှာ ညောင်ရေအိုးကို ဘာ့ကြောင့် “စုံ” မထားကြသလဲ

ဗုဒ္ဓဘာသာဝင်များအဖို့ အိမ်တိုင်း၌ ဘုရားကျောင်းဆောင်ကို အထွတ်အမြတ်ထားကာ ဘုရားရှင်အား ပူဇော်ကြပါသည်။ ပန်း၊ ရေ၊ဆီမီး၊ ဆွမ်း အစရှိသည်တို့ကို ကပ်လှူကြပါသည်။ ဤ၌ ဘုရားကျောင်းဆောင် ပေါ်၌ ကပ်လှူထားသော ပန်းတို့အား ညောင်ရေအိုးထိုးသောအခါ စုံမထားဘဲ သုံးလုံးတင်ကာ မဂဏန်းဖြင့် ပန်းကပ်ကြပါသည်။ ညောင်ရေအိုးကို စုံမထားဘဲ မအဖြစ်ထားရှိခြင်းမှာ အကြောင်းတော့ရှိပါလိမ့်မည်။

စုံ-မဆိုသည်မှာ ဂဏန်းအရေအတွက်ဖြစ်ပါသည်။ ဂန္ဓာရီအတတ်၊ ဗေဒင်ပညာအတတ် စသည်တို့နှင့် ဆက်စပ်ပတ်သက်နေမည်ဟုထင်မြင်ယူစဆရာရှိပါသော်ငြား ထိုအစွဲသည်ဘာသာရေးကိုပင် အခြေခံ ကြောင်း   လေ့လာတွေ့ရှိရပါသည်။ ဗုဒ္ဓဘာသာဝင်များအဖို့ သရဏဂုံသည် “သုံးပါး” ဖြစ်ပါသည်။ ဘုရားရတနာ၊ တရားရတနာ၊ သံဃာရတနာတို့ ဖြစ်ကြပါသည်။ မဟာယာန ဗုဒ္ဓဘာသာဝင်ဖြစ်သော ဂျပန်

ဗုဒ္ဓဘာသာတွင် “နမုစံဘိုး” ဟူ၍ အဓိပ္ပာယ်ထွက်ပါသည်။ “စံဘိုး” ဟူသည်မှာ “ရတနာ သုံးခု” ဟု အဓိပ္ပာယ်ရသည်။ ဂျပန်ဗုဒ္ဓဘာသာဝင်တို့လည်း ရတနာသုံးပါကိုပင် အထွတ်အမြတ်ထားကာ ကိုးကွယ်ပူဇော်ကြပါသည်။

ထို့ကြောင့် ဘာသာရေးကို လေ့လာကြည့်သောအခါ မ-ဂဏန်း ဖြစ်သည်။ “သုံး”ကို လွန်စွာ အလေးထားကြောင်း တွေ့ရှိရပါသည်။

ထို့ပြင် မည်သည့်အကြောင်းအရာကို ပြောသည်ဖြစ်စေ သုံးကြိမ်ပြောပါမှ အတည်ဖြစ်သည်ဟူသော မဇ္ဈိမဒေသ၏ ဓလေ့သည်လည်း သုံးဂဏန်းကိုပင် အလေးအနက် ထားကြပါသည်။ ဘုရားရှင်လက်ထက်က ဆွမ်းပင့်လျှင် သုံးကြိမ်ပင့်ခြင်းမျိုး၊ ဘုရားရှင် ငြင်းပယ်သည်ကို သုံးကြိမ်တိတိ လျှောက်ထားခြင်းမျိုးလည်း ရှိခဲ့၏။ မိမိတို့ ဗုဒ္ဓဘာသာဝင်များအဖို့ ရတနာသုံးပါးကို ဦးထိပ်ထားလျက် ရတနာသုံးပါးကိုပူဇော်ပြီး

သရဏဂုံသုံးပါးကို တည်ဆောက်ပြီးသည့်သကာလ အမျှဝေရာတွင် သုံးကြိမ်ဝေကြ၏။ သာဓုခေါ်ရာတွင် သုံးကြိမ်ခေါ်ကြ၏။

သို့ဖြစ်၍ ဘုရားပန်းအိုးဖြစ်သော ညောင်ရေအိုးကိုလည်း သုံးလုံးထားခြင်း (စုံမထားခြင်း)ဖြစ်မည်ဟု ကောက်ချက်ပြုရပါလိမ့်မည်။

Ref: သိမှတ်ဖွယ်ရာ မြန်မာ့လျှို့ဝှက်ချက်(၁၀၀)

ဆက်ဖတ်ရန် >>>

နှစ်ပတ်လည်ဆိုင်ရာ အထိမ်းအမှတ်တွေကို ဘယ်လိုခေါ်သလဲ

မြန်မာနိုင်ငံ၌ နှစ်ပတ်လည်ဆိုင်ရာ အထိမ်းအမှတ်များကို အောက်ပါအတိုင်း သတ်မှတ် ခေါ်ဝေါ်ကြပါတယ်။
၁။ ၁-နှစ်မြောက် - စက္ကူရတု
၂။ ၂-နှစ်မြောက် - ဂွမ်းရတု
၃။ ၃-နှစ်မြောက် - သားရေရတု
၎။ ၄-နှစ်မြောက် - ပိုးရတု
၅။ ၅-နှစ်မြောက် - သစ်သားရတု
၆။ ၆-နှစ်မြောက် - သကြားရတု
၇။ ၇-နှစ်မြောက် - သက္ကလုပ်ရတု
၈။ ၈-နှစ်မြောက် - ကြေးရတု
၉။ ၉-နှစ်မြောက် - ဥဿဖရားရတု
၁၀။ ၁၀-နှစ်မြောက် - သံဖြူရတု
၁၁။ ၁၁-နှစ်မြောက် - သံမဏိရတု
၁၂။ ၁၂-နှစ်မြောက် - ချည်ရတု
၁၃။ ၁၃-နှစ်မြောက် - ဇာပန်းရတု
၁၄။ ၁၄-နှစ်မြောက် - ဆင်စွယ်ရတု
၁၅။ ၁၅-နှစ်မြောက် - သလင်းရတု
၁၆။ ၂၀-နှစ်မြောက် - ကြွေရတု
၁၇။ ၂၅-နှစ်မြောက် - ငွေရတု
၁၈။ ၃၀-နှစ်မြောက် - ပုလဲရတု
၁၉။ ၃၅-နှစ်မြောက် - ကျောက်စိမ်းရတု
၂၀။ ၄၀-နှစ်မြောက် - ပတ္တမြားရတု
၂၁။ ၄၅-နှစ်မြောက် - နီလာရတု
၂၂။ ၅၀-နှစ်မြောက် - ရွှေရတု
၂၃။ ၅၅-နှစ်မြောက် - မြရတု
၂၄။ ၆၀-နှစ်မြောက် - စိန်ရတု
၂၅။ ၇၅-နှစ်မြောက် - ဒုတိယစိန်ရတု
၂၆။ ၉၀-နှစ်မြောက် - န၀ရတ်ရတု


Ref: သိမှတ်ဖွယ်ရာ မြန်မာ့လျှို့ဝှက်ချက်(၁၀၀)

ဆက်ဖတ်ရန် >>>

အင်တာဗျူး

မေး ။   ။ရုပ်ချော၊ဥာဏ်ကောင်း၊ဂရုစိုက်တတ်ပြီး ပိုက်ဆံလည်းချမ်းသာတဲ့ ယောက်ျားကို ယူချင်ရင်ဖြစ်မလား။
ဖြေ ။   ။ဖြစ်ပါတယ်။..........အဲ..ဒါပေမယ့် လင်လေးခါယူရမယ်။

မေး ။   ။ပညာနဲ့  အသပြာ ဘယ်ဟာကိုယူသင့်သလဲ။
ဖြေ ။   ။ကိုယ့်ဆီမှာ မလုံလောက်တာကိုယူ။

မေး ။   ။မိန်းမဟာ ဓါးပြထက်ပိုကြောက်စရာကောင်းတယ်လို့ ပြောကြတယ်၊ ဘာကြောင့်လဲ။
ဖြေ ။   ။ဓါးပြဟာ ပိုက်ဆံအိတ်ကိုပေးမလား၊ ဒါမှမဟုတ် ဘ၀ကို အဆုံးခံမလားလို့ မေးကြတယ်။
          မိန်းမကတော့  နှစ်ခုစလုံးကိုတောင်းတယ်။

ဆက်ဖတ်ရန် >>>

အားနာလို့ လိုက်လျောတာ ‘ အတယ် ’ လို့  မထင်နဲ့ ။

‘ အတယ် ’ ဆိုတာ တရုတ်လို အဖေကိုပြောတာ။

ကလေး ဆိုးကြီးများ။

  အိမ်သို့ ပြန်ရောက်လာသော ကလေးငယ်က မိခင်ကို သူ့ အတွေ့ အကြုံ ပြန်ပြောပြသည်။

  ‘‘မေမေ....ဒီနေ့  ဘတ်စ်ကားပေါ်မှာ အန်တီကြီးတစ်ယောက်ရဲ့  ခြေထောက်ကို သားတက်နင်းမိလို့ ..သားကတောင်းပန်လိုက်တယ်၊ဒါနဲ့  အန်တီကြီးက သားကို ချောကလက်တစ်ခု ထုတ်ကျွေးတယ်’’

  ‘‘သားက ကျေးဇူးတင်ပါတယ်လို့  ပြောလိုက်ရောလား’’

  ‘‘ဟင့်အင်း..သူ့ ရဲ့ နောက်ထပ် ခြေထောက်တစ်ဖက်ကို တက်နင်းလိုက်တယ်’’

   xxxxxxxxxxxxxxxxxxxxxxxx

 ကျနော်တို့  လူမှုဆက်ဆံရေးနယ်ပယ်ထဲမှာ Handicap ပေးထားရတဲ့ သူတွေရှိပါတယ်။

 Handicap ဆိုတာ ပစားပေးထားတဲ့ သဘောကိုဆိုလိုတာပါ။ကစားပွဲတွေမှာဆိုရင် အမှတ်ကြောပေး ထားတာပေါ့။ ကိုယ်နဲ့ စစ်တုရင်ယှဉ်ထိုးမဲ့ သူဟာ ကိုယ့် အောက်နိမ့်ကျတဲ့  စွမ်းရည်ရှိသူဖြစ်နေရင် သူ့ ရဲ့  အားနည်းချက်ကို သက်ညှာတဲ့ အနေနဲ့ ကိုယ့်ဘက်က ဘစ်ရှော့ တစ်ရုပ်၊ဒါမှမဟုတ် မြင်းရုပ်တစ်ရုပ်ကို ပွဲမစခင်ကတည်းက အကျဆုံးခံပြီး လျော့ကစားတာပါ။
ဒါမှ တရားမျှတမှု့ ရှိမယ်...လို့ ယုံကြည်တာကိုး။

ကျနော်တို့  လူမှုဆက်ဆံရေးနယ်ပယ်ထဲမှာ တချို့ သူတွေကို အကြောင်းကြောင်းကြောင့်(သနားလို့ ၊အားနာလို့ ) ပစားပေး၊ သက်ညှာထားရတာတွေ ရှိပါတယ်။ဒါပေမယ့်...ခက်တာက သူတို့ ထဲက တစ်ချို့  သူတွေက တမင်ညှာမှန်းမသိကြဘူး။ ရောင့်တက်လာကြတယ်။

ကလေးဆိုးကြီးတွေလိုပဲ။

ကိုယ့်ခြေထောက်ကို တက်နင်းမိပြီး တောင်းပန်လို့  ကိုယ်ကသနား၊အားနာတာနဲ့  ချောကလက်တစ်ခု ထုတ်ကျွေးလိုက်မိပါတယ်။သူတို့ က နောက်ထပ်ခြေထောက်တစ်ဖက်ကို ထပ်ပြီးနင်းကြပြန်ရော....။

ကဲ....မခက်ဘူးလားဗျာ။

(Ref:မင်းခိုက်စိုးစံ၏ ကလေးအတွေး အက်ဆေး)

 ဟုတ်တယ်လေ...

 နောက်ထပ် ချောကလက်တစ်ခု ထပ်လိုချင်လို့ အားမနာ ပါးမနာနဲ့  သူများခြေထောက်ထပ်နင်းတဲ့သူရဲ့  အတွေးဟာ ‘ကလေး အတွေး’ ပါ။

သူတို့ ကိုရေရှည်မှာ ဘယ်သူကသည်းခံနိုင်မှာလဲ။ အလွန်ဆုံး သူ့ အဖေအမေပဲပေါ့။ ကျန်တဲ့သူတွေ ကတော ကြာလာတာနဲ့ အမျှ စိတ်ပျက်လာမှာ သေချာပါတယ်။

ဆက်ဖတ်ရန် >>>