အလိုလိုက်နည်းအမျိုးမျိုး
၁။ တချို့ကလေးကလည်း
မိတ်ဆွေနဲ့တူတဲ့ကလေးမျိုးကွ။ သူက ဒုက္ခမပေးလှဘူး။ သူ့ကိုတော့ သူသိချင်တာကလေးတွေ
အမှန်အတိုင်း ပြောပြခြင်းနဲ့ပဲ အလိုလိုက်ရတယ်ကွ။
ဒီလိုပဲ လူ့လောကကြီးမှာ
သူတပါးရဲ့အလိုကိုလိုက်ပြီး လုပ်ရတဲ့အခါမျိုးလဲ ရှိတယ်ကွ။
၂။ တချို့ကလေးကတော့ လောဘအိုးကလေးကွ။
သူတပါးခဲဖျက်ကို လိုချင်တယ်။ ခဲတံကို ယူချင်တယ်။ သူတပါးဆီကဟာဆိုရင်
ဘာမဆိုလိုချင်တဲ့ ကလေးမျိုးလည်းပါတယ်။ အဲဒီလိုလောဘအိုးကလေးမျိုးကိုတော့
စက္ကူအရုပ်လှလှကလေးတွေ၊ သကြားလုံးကလေးတွေပေးပြီး အလိုလိုက်ရတယ်ကွ။
အဲဒီလိုပဲကွ။ လောကကြီးမှာလည်း
ပေးသင့်တာပေး၊ ကျွေးသင့်တာကျွေးပြီး လုပ်ရတဲ့ အလုပ်မျိုးလဲ ရှိသေးတယ်။
၃။ တချို့ကလေးကျတော့
သူတပါးကိုခိုင်းချင်တဲ့ ကလေးမျိုးလည်း ပါသေးတယ်။ စာမရေးတတ်လို့ ရေးပေးပါ၊
မြေပုံမဆွဲတတ်လို့ ဆွဲပေးပါဆိုတာမျိုး လုပ်တတ်သေးတယ်။ အဲဒီကလေးမျိုးကျတော့လည်း
ကိုယ်ကပဲ ရေးပေး၊ ဆွဲပေးခြင်းနဲ့ အလိုလိုက်ရတယ်။
ဒီလိုပဲကွ လူ့လောကမှာလည်း ခိုင်းတာကို
လုပ်ပြီးပေးရတဲ့ အခြေအနေမျိုးရောက်ရင်လဲ ကျေကျေနပ်နပ်ကြီး လုပ်ပေးရတတ်တယ်။
၎။ တချို့ကလေးကျတော့ သိပ်ပြီး
ဒေါသကြီးတယ်ကွ။ သူတပါးကိုပေတံနဲ့ ရိုက်ချင်တယ်၊ ကိုက်ချင်တယ်၊
ကုတ်ဆွဲချင်တယ်ဆိုတဲ့ ကလေးမျိုးလည်း ပါသေးတယ်။ အဲဒီကလေးမျိုးကိုတော့ “ဒီကောင်ကလေး
အရင်လိုမဟုတ်တော့ဘူး။ တော်လာပြီ ကောင်းလာပြီနဲ့ မြှောက်ပင့်ပြောဆိုပြီး
အလိုလိုက်ရတယ်ကွ။
အဲဒီလိုပဲကွ။ လောကကြီးမှာလည်း
အမြှောက်ကြိုက်တဲ့လူတွေက များတယ်။ အဲဒါကို သဘောပေါက်ထားစမ်းပါ။
၅။ တချို့ကလေးကျတော့ တကယ့်ကို
စာတတ်ချင်တာကွ။ သူ့ကျတော့ သေသေချာချာ သင်ပေးရတယ်။ ဒီကလေးမျိုးကျတော့ ရှားပါးပါတယ်။
ဒီလိုပဲကွ။ လောကကြီးမှာ အမှန်အတိုင်း
လုပ်ရမယ့်နေရာမျိုးတွေလည်း ရှိတယ်။ အဲဒီအခါမျိုးမှာ အမှန့်တကာ အမှန်ဆုံးကို
လုပ်ပေးပါ။
ကလေးတွေကို အလိုလိုက်သလို များစွာသော
လူတို့ရဲ့ အလိုကို လိုက်တတ်စမ်းပါကွာ။
(မှတ်ချက်။
။ဆရာမင်းသိင်္ခရေးတဲ့ ဆားပုလင်းနှင်းမောင်နှင့် ဘမျိုးဘိုးတူ ဘယ်သန်ဘမှန် ဝတ္ထုထဲမှ
ဆရာဖြစ်သူ ဦးလောစံမှ တပည့်ဖြစ်သူ မောင်ကောင်းတုံထံ ပို့ပေးလိုက်သော
ကလေးအလိုလိုက်နည်း ဖြစ်ပါသည်)
No comments:
Post a Comment