မဖြစ်နိုင်တာ မစဉ်းစားနဲ့ ။

လောကမှာ မဖြစ်နိုင်တာမရှိဘူးလို့  လူတွေကပြောတတ်ကြပါတယ်။
တကယ်တော့ မဖြစ်နိုင်တာတွေရှိပါတယ်။ ဥပမာ-အသက်ပြန်ငယ်ချင်တယ်ပဲထားပါတော့။ဖြစ်နိုင်ပါ့မလား။
ဒါပေမယ့်ပေါ့ အကောင်းမြင်စိတ်နဲ့ သာတွေးကြည့်ရင် မဖြစ်နိုင်တာတွေကို လျော့နည်းစေပါတယ်တဲ့။
ကျနော်ငယ်စဉ်ဖတ်ခဲ့ဘူးတဲ့ သမိန်ပေါသွပ်ကာတွန်းလေးကို ပြန်ပြောပြမယ်။ ပျော်စရာလည်းကောင်းပါတယ်။
သမိန်ပေါသွပ်ကို သူလျှိုအမှုနဲ့  မြို့ စားကြီးက ဖမ်းမိထားတယ်ဆိုပါစို့ ။
‘ပေါသွပ်..မင်းကသူလျှိုမဟုတ်လား’ မြို့ စားကြီးကမေးပါတယ်။ ပေါသွပ်က
‘ကျွန်တော် သူလျှိုမဟုတ်ပါဘူး မြို့ စားကြီး’
‘မင်းသူလျှိုမဟုတ်ဘူးဆိုတာ ဖြစ်နိုင်ရဲ့ လား’
‘လောကမှာ မဖြစ်နိုင်ဘူးဆိုတာ မရှိပါဘူး’သမိန်ပေါသွပ်စကားကြောင့် မြို့ စားကြီးတင်းသွားတယ်။
‘လောကမှာ မဖြစ်နိုင်ဘူးဆိုတာ မရှိဘူးဟုတ်လား’
‘အမှန်ပါပဲ မြို့ စားမင်း’
‘အေး...မင်းစကားမှန်ရင်၊ ရော့..ဟောဒီမှာ ကတုံး’
‘ဟင်’
ဟုတ်ပါတယ်။ ကတုံးမှ ဆီသုတ်ထားသလိုပြောင်လက်နေတဲ့ ခေါင်းတုံးကြီးနဲ့ လူကြီးပါ။
‘ဟောဒီကတုံးကိုခေါ်ပြီး ပင်လယ်ကမ်းစပ်ကိုသွား၊ ကတုံးခေါင်းကသန်းက ရအောင်ရှာခဲ့စမ်း’
‘ဂျာ’
ပေါသွပ် ကတုံးကြီးကိုကြည့်ပြီး ရှိရင်းစွဲနှုတ်ခမ်းမွေးပါ တွန့် ဝင်သွားတယ်။
‘ကတုံးခေါင်းက သန်းရှာဖို့ ဆိုတာ’
‘မင်းပဲ မဖြစ်နိုင်ဘူးဆိုတာ မရှိဘူးဆို၊ ကတုံးခေါင်းကသန်းရအောင်ရှာခဲ့’
ပေါသွပ်တစ်ယောက်သူ့ စကားနဲ့ သူချောင်ပိတ်မိပြီ။
ပင်လယ်ကမ်းစပ်မှာကတုံးတစ်ယောက်နဲ့ပေါသွပ် ဘာလုပ်ရမှန်းမသိ ဖြစ်နေတယ်။
ကတုံးကလည်း...
‘မြန်မြန်ရှာစမ်းပါ၊ ဒီမှာနေပူလှပြီ’   ကတုံးကြီးနဲ့ နေပူထဲ ငုတ်တုတ်ဆိုတော့ ကွန်ပလိန်းတက်တော့တာပေါ့။
ပေါသွပ်တစ်ယောက်ပြာနေပြီ။ ဖြစ်ချင်တော့ပင်လယ်ထဲကနေ လိပ်ကြီးတစ်ကောင်တက်လာနေတာကို မြင်လိုက်တယ်။ ပေါသွပ် ၀မ်းသာသွားတယ်။
‘အိုကေ...ဒါဟာ ကတုံးခေါင်းက သန်းပဲ’ လိပ်ကိုပြေးဖမ်းပြီး မြို့ စားရှေ့ သွားပြတယ်။
‘မြို့ စားမင်းခင်ဗျာ ကတုံးခေါင်းက သန်းကိုရှာခဲ့ပါပြီ၊ ရှုစားတော်မူပါ’
မြို့ စားကြီးလည်း လိပ်ကြီးကိုကြည့်ပြီး မျက်မှောင်ကြုတ်သွားတယ်။
‘အေးကွ ကတုံးခေါင်းကသန်း ဒီလောက်ကြီးရင် ငါတို့ မြင်ရမှာပေါ့၊ မဖြစ်နိုင်ဘူးထင်တယ်’
‘လောကမှာ မဖြစ်နိုင်ဘူးဆိုတာ မရှိပါဘူးမြို့ စားမင်း’ မြို့ စားကြီးအကြပ်ရိုက်တဲ့ အလှည့်ရောက်ပြီ။
ဒါပေမယ့် ဘာပြောရမှန်းမသိ ဖြစ်နေတယ်။
‘ဒါကြီးက သန်းနဲ့ မတူဘူး၊ လိပ်နဲ့ တူနေသလားလို့ ’မြို့ စားကြီးအမေးကို ပေါသွပ်က အာချောင်ပြီး
‘သန်းမှသန်းအစစ်ပါ၊ မယုံရင်မေးကြည့်ပါခင်ဗျ’ဆိုတော့ မြို့ စားကြီးခေါင်းကုတ်ပြီး...
‘အေး..ငါတော့မသင်္ကာဘူး၊ ဒါဖြင့်မေးကြည့်မယ်၊ ဟဲ့ကောင် မင်းဟာ လိပ်လား?  ၊ သန်းလား?’ဆိုတော့..
လိပ်က သူ့ လက်ကလေးယှက်ပြီး.
‘ကျွန်တော်မျိုး ကြမ်းပိုးပါခင်ဗျ၊ ကြမ်းပိုးပါ’...တဲ့။
‘ဟင် ဒါကြီးက ကြမ်းပိုးတဲ့၊ ကတုံးခေါင်းသန်းရှာခိုင်းတာ ကြမ်းပိုးဖမ်းလာတဲ့ ပေါသွပ်ကို ပြန်ဖမ်း’
‘ဟိုက်’

ဆိုလိုချင်တာက မဖြစ်နိုင်တာတွေကို အကောင်းမြင်စိတ်နဲ့  လှည့်တွေးရင်တောင် မဖြစ်နိုင်တာ ရှိပါသေးတယ်။
စိတ်ချမ်းသာချင်ရင် မဖြစ်နိုင်တာကို မစဉ်းစားနဲ့ ပေါ့။

Ref:AKyiTaw_ChitChinKaHtar

ဆက်ဖတ်ရန် >>>

သနားစ၇ာခန္ဓာကိုယ်တစ်ခြမ်းပဲ.များ

တချို့ ကပြောကြတယ်။

လူတွေကိုစတင်ဖန်ဆင်းခဲ့တဲ့ ဇုနတ်ဘုရားဟာ လူသားတွေကိုမကြေနပ်ပြန်တဲ့အခါ

ခန္ဓာကိုယ်ကိုနှစ်ခြမ်းခွဲပြီး တစ်နေရာစီကို လွှင့်ပစ်ခဲ့ပါသတဲ့။

အဲဒီခန္ဓာကိုယ်နှစ်ခြမ်းလုံးဟာ

သူတို့ ရဲ့  ကွဲကွာသွားတဲ့ခန္ဓာကိုယ်တစ်ခြမ်းကိုပြန်ဆုံတွေ့ ဖို့  အမြဲတစေလိုက်လို့ ရှာနေရတယ်။

သူတို့ အချင်းချင်းပြန်တွေ့ ပြီး ပေါင်းဖက်ကြတဲ့အခါမှ ပြီးပြည့်စုံတဲ့ ခန္ဓာကိုယ်တစ်ခုပြန်ဖြစ်ရသတဲ့။
(ဘယ်အချိန်မှာ၊ ဘယ်လို ဘယ်လိုပုံစံခန္ဓာကိုယ်တစ်ခုပြန်ဖြစ်ဖြစ်သွားသလဲဆိုတာတော့ တားတားရဲတိဘူး)
အဲဒီခန္ဓာကိုယ်နှစ်ခြမ်းဟာ တစ်ခြမ်းက ယောက်ျားဖြစ်ပြီး၊

အခြားတစ်ခြမ်းကတော့ မိန်းမပါတဲ့။

အဲလိုပြန်ရှာဖို့  အကူအညီပေးတဲ့ဧဂျင့်ကတော့ ဖူးစာရေးနတ်ပါတဲ့ဗျား။

သနားဖို့ ကောင်းတာကတော့ ကိုရွှေဖူးစာရေးနတ်ရဲ့ မေ့ထားခြင်းခံရတဲ့ သူတွေပါပဲ။ သူတို့ တွေဟာ ခန္ဓာကိုယ်တစ်ခြမ်းပဲ.ကြီးနဲ့  ဆိုတော့ ဘယ်ညာ၊ဘယ်ညာပုံမှန် မလှမ်းနိုင်ပဲ

လောကကြီးအလယ်မှာ သားပိုက်ကောင်လို ခုန်ဆွခုန်ဆွလျှောက်နေရတော့တာပေါ့။
(ရေးရတာ အရသာရှိလိုက်တာ ၊အဟေးဟေး)

သနားတယ် ။ သူတို့ ကို။

ဆက်ဖတ်ရန် >>>

ကဲ...၀မ်းနည်းရမှာလား ?၀မ်းသာရမှာလား မသိန်းကြည်

အမျိုးသမီးနှစ်ဦးသည် သားရေးသမီးရေး ပြောနေကြသည်။

‘‘သမီိးက အိမ်ထောင်ကျ သိပ်ကံကောင်းတယ်။

နေ့ တိုင်း သူ့ ယောက်ျားက စောစောထတယ်၊ မနက်စာပြင်ဆင်တယ်။ ညနေအိမ်ကိုပြန်ရောက်တာနဲ့ 

အ၀တ်အစား လျှော်ဖွတ်ပေးတယ်၊ ပန်းကန်တွေ ဆေးကြောပေးတယ်။ သိပ်တော်တဲ့ သား သမက်လေး’’

‘‘ရှင့်သားရော’’

‘‘သားလည်း အိမ်ထောင်ကျနေပြီ။တကယ့်ကို အသုံးမကျတဲ့ မိန်းမ ရထားတယ်လေ။

အိမ်ထောင်ရေးကံ အတော်ဆိုးပါတယ်ရှင်။ မနက်တိုင်း သူ အစောကြီးထရတယ်၊ မယ်မင်းကြီးမကို မနက်စာ ပြင်ဆင်ပေးရတယ်။ ညနေအိမ်ကိုပြန်ရောက်တာနဲ့့ အ၀တ်အစား လျှော်ဖွတ်ပေးရတယ်၊

ပန်းကန်တွေ ဆေးကြောပေးရသေးတယ်။ တကယ့်ကို အသုံးမကျတဲ့ မိန်းမရထားတယ်လေ။’’



ဆက်ဖတ်ရန် >>>

နာနတ်သီးနဲ့ အရေပြား တွန့်ခြင်းအား ကာကွယ်နည်း

နာနတ်သီးဟာ စားသုံးလို့ ကောင်းမွန်တဲ့ သစ်သီးအပြင် အလှအပအတွက်လည်း ပျိုမေတို့ကို အကျိုးဖြစ်ထွန်းစေပါတယ်။ နာနတ်သီးမှာ ဗီတာမင်ဓာတ်များစွာ ပါဝင်ပြီး သတ္တုဓာတ်အများအပြားပါဝင်တဲ့ သစ်သီး တစ်မျိုးဖြစ်ပါတယ်။ နွေရာသီမှာ ရင်အေး စေတဲ့ သစ်သီးတစ်မျိုးဖြစ်ပြီး တခြားသော ကျန်းမာရေးလာဘ်လာဘများကို ပေးစွမ်းစေနိုင်တဲ့ သစ်သီးပဲ ဖြစ်ပါတယ်။

နာနတ်သီးပေါင်းတင်ခြင်း
နာနတ်သီးနဲ့ မျက်နှာကို ပေါင်းတင်လို့ ရပါတယ်။ နာနတ်သီးနဲ့ ပေါင်းတင်တာဟာ နာနတ်သီးထဲမှာ ပါဝင်တဲ့ အင်ဇိုင်းဓာတ်ကြောင့် အသားအရေကို ရွှန်းလဲ့ဝင်းစိုစေပြီး အရေပြားတွန့်ခြင်းကို အထူးကာကွယ် ပေးနိုင်ပါတယ်။ အရေပြားပေါ်က ပျက်စီးနေတဲ့ ဆဲလ်များကိုလည်း အမြန်ဆုံး ပြည်လည်ဖြည့်တင်းပေးနိုင်ပါတယ်။
နာနတ်သီးဖျော်ရည် ၁ ဇွန်း (စားပွဲတင်ဇွန်း) သို့ နာနတ်သီးမှည့်မှည့် တစ်စိတ်ကို ယူပါ။ အရည်ဆိုလျှင် မျက်နှာကို လိမ်းကျံပြီး အစိတ်ဆိုပါက မျက်နှာပေါ်ပွတ်သပ် နှိပ်နယ် ပေးရပါမယ်။ စေးကပ်တတ်တာမို့ နာနာတ်သီးကို လိမ်းပြီးပါက ရေနဲ့ သေချာ ဆေးကြောပေးဖို့ လိုပါလိမ့်မယ်။ အရေပြားကို အရမ်းနူးညံ့စေပါတယ်။
လိမ်းကျံပြီးသွားတဲ့အခါမှာ ဆယ်မိနစ်ခန့်စောင့်ဆိုင်းပေးဖို့ လိုအပ်ပါလိမ့်မယ်။ ဒီနည်းကို တစ်ပတ်တစ်ခါပဲ ပြုလုပ်ပေးပါ။ မျက်နှာအပြင် လည်ပင်း၊ ခန္ဓာကိုယ်နေရာ အစိတ်အပိုင်း တို့ကိုလည်း လိမ်းကျံပေးနိုင်ပါတယ်။
ခန္ဓာကိုယ်ရှိ တခြားအစိတ်အပိုင်းနေရာများကို လိမ်းကျံမယ်ဆိုရင်တော့ နွားနို့ ဖန်ခွက် ဝက်ခန့်၊ သံပရာရည်၊ ကြက်ဥတစ်လုံး၊ နနွင်းမှုန့် အနည်းငယ်နဲ့ ဂျုံမှုန့်အနည်းငယ်တို့ ရောစပ်ပေးပြီးမှ လိမ်းကျံပေးရပါမယ်။ လက်မောင်း၊ ခြေထောက်၊ ခြေသလုံး၊ နောက်ကျောဘက် နေရာတို့နဲ ဝမ်းပျဉ်းသားနေရာတို့ကို လိမ်းကျံပေးနိုင်ပါတယ်။ လိမ်းကျံပြီးပါက ရေနွေးနွေးနဲ့ ပြန်လည် ဆေးကြောပေးပါ။ နာနတ်သီးအစား သင်္ဘောသီးကိုလည်း အသုံးပြုနိုင်ပါသေးတယ်။

နာနတ်သီးနဲ့ အရေပြား တွန့်ခြင်းအား ကာကွယ်နည်း
နာနတ်သီးနဲ့ သံလွင်ဆီတို့ဟာ  အသားအရေအတွက် အရမ်း လိုက်ဖက်ညီတဲ့ စုံတွဲဖြစ်ပါတယ်။ အထူးသဖြင့် လည်ပင်းပိုင်းက အရေပြားတွန့်ခြင်း အတွက် ကောင်းစွာ ထိရောက်မှု ရှိစေပါတယ်။ သံလွင်ဆီနှစ်ဇွန်း (စားပွဲတင်ဇွန်း) နာနတ်သီး(လတ်လတ်ဆတ်ဆတ်) ရည်တစ်ခွက်ကို ယူပါ။ နှင်းဆီရည်တစ်ဇွန်း (လက်ဖက်ရည်သောက်ဇွန်း) ကိုလည်း ယူထားပါ။
အားလုံး ပြည့်စုံသွားရင်တော့လည်ပင်းနဲ့ မျက်နှာကို လိမ်းကျံပေးပါတော့မယ်။ မလိမ်းကျံခင် မျက်နှာကို သန့်စင်ဆေးကြောပေးထားဖို့ လိုအပ်ပါတယ်။ မျက်နှာကို နို့နဲ့သော်လည်းကောင်း ဆေးကြောပေးရင် ပိုပြီး အာနိသင်ထပ်ရှိပါလိမ့်မယ်။ နို့နဲ့ မျက်နှာဆေးပြီးသွားရင် သံလွင်ဆီနဲ့ မျက်နှာကို လိမ်းကျံတဲ့အခါ လက်ဖဝါးနဲ့အပေါ်ကို ပွတ်တင်ပေးရမှာ ဖြစ်ပါတယ်။
စက်ဝိုင်းပုံစံ နှိပ်နယ်ပေးရမှာ ဖြစ်ပါတယ်။ ဒီလိုလုပ်ပေးခြင်းဟာ အရေပြားကနေ အဆီကို စုပ်ယူလိုက်ပါတယ်။ ပြီးရင်တော့ နာနတ်သီးအရည်နဲ့ နှင်းဆီရည်ရောထားတာကို လိမ်းကျံပေးရမှာ ဖြစ်ပါတယ်။ မိနစ် ၂၀ ခန့် လိမ်းကျံပေးပြီးသွားရင်တော့ မျက်နှာကို ရေသန့်နဲ့ သစ်ပေးလို့ ရပါပြီ။ ဒီနည်းကို တစ်ပတ်တစ်ခါ လိမ်းပေးခြင်းဖြင့် အသားအရေ တွန့်ခြင်းကို ကောင်းစွာ ထိန်းချုပ်နိုင်မှာ ဖြစ်ပါတယ်။

PS.သူငယ်ပြန်နေသော ဘွားဘွားများအတွက်

ဆက်ဖတ်ရန် >>>

နွားနှစ်များကို ဖြတ်ကျော်ခြင်း

နွားနှစ်ဆိုလို့ တရုပ်ဗေဒင်ထဲက နွားနှစ်လို့ အထင်မမှားလိုက်နဲ့ဦး..

ဖတ်ဘူးတဲ့ ကြားဘူးတဲ့ပုံပြင်ထဲကလို လူ့ ဘ၀ရဲ့ နွားနှစ်များကိုပြောတာပါ..
ဒီလိုလေ……

ဘုရားသခင်က လူကိုဖန်ဆင်းတယ်.. ပျော်စမ်း..စားစမ်း ကစားစမ်း.. ကြိုက်သလို နေစမ်းပေါ့ ..
သက်တမ်း ၁၀ နှစ် နေစေ...
နောက် မျောက်ကိုဖန်ဆင်းတယ်.. ခုန်စမ်း လွဲစမ်း.. တစ်ပါးသူတွေေ-ာက်မြင်ကတ်လောက်အောင် အသံမျိုးစုံနဲ့ အော်စမ်း…. အူစမ်း.. ထူးဆန်းတာတွေတွေ့ရင် တရှုံ့ရှုံ့နမ်းကြည့်စေ.. သူတစ်ပါးဘာလုပ်လုပ် အတုခိုးစေ.. ၁၆ နှစ် သက်တမ်းနေစေ..
ငှက် တွေကိုဖန်တီးတယ်.. ကောင်းကင်ပေါ်မှာ ပျံပြီး လောကကြီးကို အပေါ်ကကြည့်စမ်း..
ပညာကို အထူးသဖြင့် ဇီးကွက်လို မအိပ်မနေ ရှာစမ်း --တခြားငှက်တွေက ပျံစေ.. တချို့မပျံနိုင်စေ..အစာအတွက် လေမှာ၎င်း ရေမှာ၎င်း မြေမှာ၎င်း နည်းအမျိုးမျိုးနဲ့ရှာဖွေစေ.. သက်တမ်း ၂၀ ယူ…
နွားကိုဖန်တီးပြန်တယ်.. အနှစ် ၇၀ ယူစေ.. သက်တမ်းအတွင်း ခွန်အားအမျိုးမျိုး သုံး၍ ကုန်းရုံးလုပ်ကိုင်ပီး သူတစ်ပါးခိုင်းသမျှလုပ်.. အများကို ခွန်အားနဲ့လုပ်ကြွေး အကျိုးပြုစေ..
ခွေးကို ဖန်တီးလိုက်တယ်.. နင်ဟာ အိမ်မှာ အမြဲနေစေ.. သူစိမ်းများလာရင်ဟောင်စေ.. သတိပေးစေ.. ချောက်လှန့်စေ.. ပိုင်ရှင်ကို သစ္စာရှိစေ .အသက် ၃၀ နေစေ.
အစရှိသဖြင့် ဖန်တီးလိုက်တာပေါ့..
ငါကား သက်ရှိသတ္တ၀ါများကို ပျော်ရွှင်ရန်အလို့ငှာ ဖန်တီးအပ်ခဲ့ပေပြီ..
ယခုအခါ ရက်သတ္တပါတ် မြောက်တာမို့လို့ --
သင်းတို့၏အခြေအနေကိုလေ့လာအံ့ဟုဆုံးဖြတ်ပြီးကောင်းကင်ဘုံမှ မြေကမ္ဘာသို့ ဆင်းသက်လာခဲ့ပေသည်.. ဖန်တီးခဲ့သော သက်ရှိတို့ကို ဆင့်ခေါ်၍ မေးမြန်းသည်.. သင်တို့ ပျော်ရွှင်ကြ၏လော..

လူသားကလွဲရင် နွား၊မျောက်၊ခွေး၊ငှက် ဒီမှာတင် တရားမျှတမှု မရှိ ဘူးဆိုတဲ့ ကွန်ပလိန်း တွေ လုပ်လာလာတယ်.. .
 “ဒါဘာလုပ်တဲလဲဘုရာ့”.. ”မတရားဘူးဘရာ့” ပေါ့..
 “အကျွန်ုပ်တို့မှာတော့ အော်ဟစ် အပျော်မဲ့ ခက်ခဲတဲ့ အလုပ်တွေလုပ်နေရတဲ့ အချိန်မှာ လူကတော့ ပျော်ရွှင်မြူးတူး ပြေးလွှားဆော့ကစားယုံဘဲ..”
“အကျွန်ုပ်တို့ရဲ့ ဆင်းရဲရတဲ့ ဘ၀ အလုပ်နဲ့လက်မပြတ်လုပ်နေရတဲ့ ဘ၀ကို ရရှိကြပါတယ်.. အကျွန်ုပ်တို့ရဲ့ ဆင်းရဲသက်တမ်းဟာ လူ ထက်လဲ ပိုမိုရှည်နေပါတယ်တဲ့...” “တစ်ခုခုတော့ အဖြေရှာ ကူညီပေးပါ” ဆိုပီး တင်ပြကြတာပေါ့..
ဘုရားသခင်ကလည်း ဟဲ့ ငါဖန်တီးပီးတာတွေ ဟာ ပြန် ဖျောက်လို့မရဘူး ဆိုတဲ့အကြောင်း -- ပြန်ဖျောက်ပေးရင်လဲ ထင်သာမြင်သာရှိတဲ့ ဖန်တီးမှု -- ယုံကြည်စေရလောက်မှု - ဆိုတဲ့ ဂုဏ်သိက္ခာ မဲ့သွားနိုင်ကြောင်း-- သူ့ဘက်ကအခက်အခဲကိုချပြတယ်..
ဒီမှာတင် စ Negotiate လုပ်တယ်..
နောက်ဆုံး အားလုံး အစဉ်ပြေသွားစေတဲ့ ဆုံးဖြတ်ချက်ချလိုက်တယ်..
 “အိုကေ.. မင်းတို့ရဲ့ ဘ၀တွေ သဘာဝတွေကိုတော့ ပြင်လို့မရသလို သက်တမ်း တိုက်ရိုက် လျော့ ဘို့လဲ လုပ်လို့မရတော့ဘူး..” “ဖန်ဆင်းရှင်တို့မည်သည်မှာ ဖန်ဆင်းပီး ပြန်ဖျက်ရိုးထုံးစံ မရှိဘူး... ဒါပေမဲ့ သက်တမ်း Share တာတော့ လုပ်နိုင်တယ်.. ဒီလိုလုပ် .. မင်းတို့ရဲ့ သက်တမ်းတွေကို တစ်ဝက်ဆီ လူ ကိုခွဲပေးလိုက်ကြ .. ဒါဘဲရှိတယ်..”ဆိုပီး ဆုံးဖြတ်ပေးလိုက်တယ်...
အဲဒီမှာတင် အားလုံးသဘောတူလိုက်ကြတယ်..
ဆိုတော့ လူသားဟာ သူ့ကိုယ်ပိုင်သက် ၁၀ နှစ် ...မျောက်ဆီက ၈ နှစ် ...ငှက်ဆီက ၁၀ နှစ် ...နွားဆီက ၃၅ နှစ် ...ခွေးဆီက ၁၅ နှစ် စုစုပေါင်း ၇၈ နှစ် နေရတဲ့ ပျမ်းမျှ သက်တမ်း ဖြစ်လာရတယ်..
အဲဒီတော့ လူတွေဟာ ပျော်ပါးစားသောက် ပြေးလွှားဆော့ကစား ရတဲ့ လူသားလို ၁၀ နှစ်နေရတယ်..

ဟော အသက် ၁၁ နှစ်ကနေ ၁၈ နှစ် ကို မျောက်နှစ် များ..
 မျောက်လိုဘဲ... ခုန်တယ်ပေါက်တယ် လွှဲတယ် စပ်စုတယ်.. ပတ်ဝန်းကျင်ေ-ာက်မြင်ကတ် လောက်အောင် အသံမျိုးအမျိုး စတိုင်အမျိုးအမျိုး ရှိုးထုတ်တယ်.. အော်ဟစ်ရယ်မောကြရတယ်…
နောက် ၁၉ နှစ် ကနေ ၂၉ လောက်အထိ ငှက်နှစ် ..
ငှက်များလို ပညာရှာရတယ်.. နည်းအမျိုးမျိုးစမ်းရတယ်..တစ်နေ့နေ့ မှာ တစ်ခုခုဖြစ်လာနိုး နဲ့ အတောင်ပေါက်ပီ. ပျံနိုင်ပီ ဆိုတဲ့ မာန လေးကလဲ လွှင့်တယ်.. နေ့မအိပ်ညမအိပ် လေ့လာဆည်းပူးရတယ်.. ကြက်ငှက် အစာရှာရသလို နည်းမျိုးစုံနဲ့ အလုပ်အကိုင်ရှာရတယ်..
အလုပ်လဲရလာရော ..အသက် ၃၀ က နေ ၆၅ နှစ်အထိမတော့ နွားနှစ် ကိုကျော်ဖြတ်ရတော့တယ်... အိမ်ထောင်တွေဘာတွေကျပီး ဘ၀မှာလူလိုသူလိုနေနိုင်ရေးအတွက် နွားများလို ကုန်းရုန်း လုပ်ကိုင်နေရတော့တယ်...
ဟော ၆၆ နှစ်က နေ ဘ၀နေ၀င်ချိန်မတော့ ခွေးနှစ်ကို ဆိုက်ဆိုက်မြိုက်မြိုက်ရောက်ပေတော့တယ်.. အိမ်မှာဘဲ အမြဲနေ..
ကိုယ့်သားသမီး တွေ ချွေူးမ သမက်တွေနဲ့ နေပီး ဟို လူ့ဟိန်းလိုက် ဒီလူဟောက်လိုက်နဲ့ .. သူစိမ်း ဧည့်သည်တွေ ဘာတွေလာရင် တံခါးဖွင့် ပေးရတယ် --စုံစမ်းမေးမြန်းရတယ်.. ဘသူလဲ ..ဘာလဲ.. ဘာကိစ္စလဲ.. ဘာလာလုပ်တာလဲ .. လိုအပ်ရင် ခွေးများဟောင်သလို ဟောက်ပစ်ရတယ်.. ဟော ကျေးဇူးရှင် သားသမီးချွေးမသမက်တွေ အလုပ်သွားရင် သစ္စာရှိ ခွေးကြီးလို သူတို့ရဲ့ကလေးတွေ ကိုယ့်မြေးတွေ ကို စောက့်ရှောက် ထိန်းပေးရတယ်။။ အဲဒါဘဲဗျ.. လူ့ဘ၀ကျော်ဖြတ်ရတာ..
ဆိုခဲ့တဲ့ အတိုင်း အင်း..နွားနှစ်ကိုရောက်နေမှတော့........................................................................

ဆက်ဖတ်ရန် >>>

ကာလ၊ ဒေသ၊ ပယောဂ။

ဘုန်းဘုန်းတို့ဘက်မှာ ထမင်းစားလို့ရှိရင် များသောအားဖြင့် ဇွန်းနဲ့မစားကြဘူး။ လက်န့ဲ ပဲစားကြတာ များတယ်။  တစ်ခါကလူတစ်ယောက်ဟာ သူ့အမျိုးတွေရှိတဲ့အရပ်ကို အရေးပေါ် ခရီးသွားရတယ်။ သူရောက်ချိန်မှာ အမျိုးတွေက ထမင်းစားနေချိန်ဖြစ်နေတယ်။ အိမ်ရှင်တွေက…

“…………..ရေ လာလာ၊ ထမင်းစားပါဦး၊ တို့နဲ့ပဲ တစ်ခါတည်းဝိုင်းလိုက်ကြရအောင်”

“ကျနော် ဗိုက်မဆာသေးဘူး၊ အိမ်ကျမှ စားတော့မယ်”

“ခင်ဗျားကလည်း အားနာနေတာလား၊ အားမနာပါနဲ့ လာပါ”

“ကျနော် တကယ်မဆာသေးလို့ပါ၊ စားကြ စားကြ”

ဧည့်သည်ဟာ အမှန်တကယ်တော့ ဗိုက်ဆာနေတယ်(လမ်းကြောင်းမှာက စားဖို့ ထမင်းဆိုင် မရှိဘူးလေ)။

ကိုယ်ဝင်စားလို့  သူတို့ တွေမလာက်မငှဖြစ်လေမလား(စားချိန်ကျမှ ရောက်သွားတာကိုး) ၊စားနေကျမဟုတ်တော့ စားရမှာလည်း ရှက်တာနဲ့  အင်တင်တင် လုပ်နေတာ ဖြစ်တယ်။

အဲဒီလိုနဲ့ အိမ်ရှင်မိသားစုတွေ ပျော်ပျော်ပါးပါး အားရပါးရစားနေကြတာကိုမြင်နေရတော့(ဗိုက်ကလည်း ဆာလှပြီ) သူလည်း မနေနိုင်တော့တာနဲ့ စားမယ်လို့ ဆုံးဖြတ်လိုက်ပြီး လက်ထဆေးလိုက်တယ်။

အဲဒီတော့..အိမ်ရှင်က(မရိပ်မိတာလား၊ မသိချင်ယောင်ဆောင်တာလား)မေးတယ်ပေါ့။

“ဘာလုပ်ဖို့ လက်ဆေးတာလဲ” တဲ့ ။

ဧည့်သည်လည်း ရှက်ရှက်နဲ့  ဗိုက်ကိုပွတ်ပြီးပြန်ဖြေလိုက်တာကတော့....

“ဆေးလိပ်သောက်မလို့” ...........   တဲ့လေ။        @တောက်ပကြယ်စင်

ကျနော်ဒီပိုစ့်လေးကို ဖတ်ရင်းနဲ့ ပြုံးမိတယ်။

‘‘ ကာလ၊ ဒေသ၊ ပယောဂ ’’ ကို မှန်မှန်ကန်ကန် မဆုံးဖြတ်နိုင် ခဲ့ လို့  ဘယ်နှစ်ခါလောက်များ

ကျနော် လက်ဆေးပြီးမှ ဆေးလိပ်သောက်ခဲ့ ရသလဲလို့  ပြန်စဉ်းစားကြည့်နေရင်းပေါ့.....

ဆက်ဖတ်ရန် >>>

ကိုယ့်ထက်သာလို့ ဝမ်းသာရင် မုဒိတာလို့ ခေါ်တဲ့ ကုသိုလ်တရားဖြစ်တယ်။

မြန်မာတွေဘာကြောင့်ဆင်းရဲသလည်း

မေတ္တာရှင် - ငါ သြစတြေးလျနိုင်ငံ ဆစ်ဒနီမြို့ကို တရားဟောကြွတော့ ဆစ်ဒနီကဗုဒ္ဓဘာသာလူငယ်တွေက မြန်မာတစ်မျိုးသားလုံး သိသင့်တဲ့ မေးခွန်းတစ်ခုမေးတယ်။ အဲဒီမေးခွန်းက -

မြန်မာတွေဟာ အမြင့်မြတ်ဆုံးဖြစ်တဲ့ ဗုဒ္ဓဘာသာကိုလည်း ကိုးကွယ်ခွင့်ရတယ်။ဒါနကုသိုလ်လည်း အများကြီးပြုကြတယ်။ အဲဒီနှစ်ချက်ကို ထောက်ကြည့်ရင်မြန်မာတွေဟာ ကမ္ဘာမှာ အချမ်းသာဆုံး ဖြစ်သင့်တယ်။ ဒါပေမယ့် ထင်သလောက်မချမ်းသာဘူး။ အဲဒါ ဘယ်အကြောင်းတွေကြောင့်လဲ တဲ့။

သန်း - ဟာ သိပ်ကောင်းတဲ့ မေးခွန်းပဲ ဘုရား။ ဆရာတော်က ဘယ်လိုဖြေလိုက်လဲ ဘုရား။

မေတ္တာရှင် - အကျဉ်းချုပ် ဖြေလိုက်တာက မြန်မာတွေဟာ ဗုဒ္ဓစကားကိုနားမထောင်ကြလို့ ဆင်းရဲနေကြတာလို့ ဖြေလိုက်တယ်။

သန်း - အဲဒီလောက် ကျဉ်းလွန်းအားကြီးတော့လည်း ဘယ်နားလည်ပါ့မလဲ ဘုရား။နည်းနည်းအကျယ်ချဲ့ ဖြေဦးမှပေါ့ ဘုရား။

မေတ္တာရှင် - မြန်မာအများစု မကြီးပွါးခြင်း အကြောင်း ၁၁ ချက်ကို တွေ့ရတယ်။အဲဒီ ၁၁ ချက်ကို ပြင်လိုက်လျှင်တော့ ကြီးပွါးချမ်းသာလာကြမှာ။ အဲဒီ ၁၁ချက်က -

၁။ တကယ် လိုအပ်သော နေရတွင် မလှူဘဲ နာမည်ကြီးမည့် နေရတွင်သာစုပြုံလှူကြခြင်း။  ဥပမာအားဖြင့် စာသင်တိုက်တစ်တိုက်မှာ ကုဋီ (အိမ်သာ)လိုနေတယ်။ ဒါပေမယ့် လှူမယ့်သူ မရှိဘူး။ ဘာကျတော့ လှူသလဲ ဆိုတော့ဘုရားခန်းထဲမှာ ရုပ်ပွါးတော်တစ်ဆူ ရှိပြီးဖြစ်လျက်နဲ့ နောက်ထပ်ရှစ်ဆူလောက် ထပ်လှူတော့ ဘုရားကိုးဆူဟာ ကျပ်ကျပ်တည်းတည်းစံနေတော်မူကြရတယ်။

ဗုဒ္ဓဘာသာအများစုဟာ ဘုရားဒကာ၊ ဘုရားအမသာ အမည်ခံချင်ကြတာ။ အိမ်သာဒကာ၊အိမ်သာအမ အမည်မခံချင်ကြဘူး။ လှူတယ်ဆိုတာ ကိုယ့်အတွက် မဟုတ်ပါဘူး။အလှူခံအတွက်ပါ။ ဒါကြောင့် အလှူခံ လိုအပ်တာကို ရွေးချယ်ပြီး လှူသင့်တယ်။ကိုယ်လှူချင်တာကို ရမ်းပြီး မလှူသင့်ဘူး။

၂။ မြတ်စွာဘုရားက အင်္ဂုတ္တိရ်ပါဠိတော် ဇဏုသောဏိသုတ်မှာ သမ္မဒါလေးပါးနဲ့ပည့်စုံရင် ကြီးပွါးချမ်းသာမယ်လို့ ဟောခဲ့တယ်။ ဗုဒ္ဓဘာသာအများစုဟာတစ်ပါးမှ မပြည့်စုံဘူး။

၃။ ဘာသာရေးအပေါ်မှာထားတဲ့ မေတ္တာ စေတနာမျိုးကို စီးပွါးရေးအပေါ်မှာမထားကြလို့လည်း မြန်မာအများစုဟာ ကြီးပွါးသင့်သလောက် မကြီးပွားကြဘူး။

၎။ ပျင်းရိခြင်း အကုသိုလ်ကို ရောင့်ရဲခြင်းကုသိုလ်လို့ အထင်မှားကျင့်သုံးနေတဲ့အတွက်လည်း မြန်မာတွေဟာ ကြီးပွါးသင့်သလောက် မကြီးပွါးကြဘူး။

၅။ အတ္တသမာပဏီဓိ မင်္ဂလာချို့တဲ့လို့ တစ်နည်းအားဖြင့် မိမိကိုယ်မိမိကောင်းတဲ့အလုပ်မှာ ဆောက်တည်နေနိုင်စွမ်း မရှိလို့လည်း မြန်မာအများစုဟကြီးပွါးသင့်သလောက် မကြီးပွါးကြဘူး။

၆။ အချိန်တန်ဖိုးကို မသိကြတဲ့အတွက်လည်း ကြီးပွါးသင့်သလောက်မကြီးပွါးကြဘူး။ အချိန်တန်ဖိုး သိတဲ့သူများဟာ ဥစ္စာစည်းစိမ်ကို ရခြင်း၊ကုသိုလ်တရားကို ရခြင်း၊ ပညာဗဟုသုတကို ရခြင်း အမျိုးမျိုးနဲ့ အချိန်ကိုတန်ဖိုးရှိစွာ အသုံးချတယ်။ အချိန်တန်ဖိုး မသိတဲ့သူများကတော့မြူးထူးပျော်ပါးကစားခြင်း၊ ငြင်းခုံခိုက်ရန် စကားများခြင်း အချိန်ကိုတန်ဖိုးမဲ့စွာ အသုံးချတယ်။

၇။ ကိုယ့်ထက်သာလျှင် မနာလိုဖြစ်ပြီး သူတစ်ပါးအကျိုး ပျက်စီးအောင်ဖျက်ဆီးတတ်ကြတယ်။ ဒီအချက်ဟာလည်း မြန်မာအများစု မကြီးပွါးခြင်းရဲ့အကြောင်းတစ်ခုပဲ။ ကိုယ့်ထက်သာလို့ ဝမ်းသာရင် မုဒိတာလို့ ခေါ်တဲ့ကုသိုလ်တရားဖြစ်တယ်။ ကိုယ့်ထက်သာလို့ မနာလိုဖြစ်ရင် ဣဿာဆိုတဲ့

အကုသိုလ်တရား ဖြစ်တယ်။

ပညာရှိ ပညာမဲ့ဆိုတာ ဒီနေရာမှာ ကွဲသွားတာပဲ။ ပညာရှိက ကိုယ့်ထက်သာတဲ့လူကိုတွေ့ရင် ဝမ်းမြောက်ခြင်းဆိုတဲ့ မုဒိတာကုသိုလ်ကို အရယူတယ်။ ပညာမဲ့ကကိုယ့်ထက်သာတဲံသူကို တွေ့ရင် ဣဿာလို့ခေါ်တဲ့ အကုသိုလ်ကို အရယူတယ်။ဒေါက်တာဘွဲ့ကြီး ရထားပါစေ၊ မနာလိုတတ်တဲ့သူဟာ ပညာမဲ့ပါပဲ။ ဘာအတန်းပညာမှမတတ်ရင် နေပါစေ၊ ကိုယ့်ထက်သာတဲ့ သူအပေါ်မှာ ဝမ်းမြောက်ရင် ပညာရှိပဲ။

ဣဿာဖြစ်နေသလား၊ မုဒိတာဖြစ်နေသလား ဆိုတာ သူ့ရဲ့နှုတ်က ထုတ်ဖော်အစီရင်ခံပါလိမ့်မယ်။ တော်တာကို တော်ပါတယ်လို့ လှိုက်လှိုက်လှဲလှဲချီးမွမ်းစကားပြောရင် သူ့သန္တာန်မှာ မုဒိတာတရား ဖြစ်နေတယ်လို့ သိနိုင်တယ်။မချီးမွမ်းဘဲ နှုတ်ဆိတ်နေခြင်း၊ မပြောပလောက်တဲ့ အားနည်းချက်ကိုထောက်ပြပြီး အပြစ်ပြောနေခြင်းဟာ သူ့သန္တာန်မှာ ဣဿာဖြစ်တယ်လို့ ပြတာပါပဲ။

ပညာမဲ့က သူ့သန္တာန်မှာ ဣဿာတရားဖြစ်နေတယ် ဆိုတာကို သူတစ်ပါးရဲ့ အပြစ်ကိုအတုံးလိုက် အတစ်လိုက်ပြပြီး ထင်ထင်ရှားရှား ပြတယ်။ ပညာတတ်တွေကျတော့သူတို့သန္တာန်မှာ ဖြစ်နေတဲ့ ဣဿာကို ထင်ထင်ရှားရှား မပြဘူး။ မသိမသာဘဲပြတယ်။ ပညာတတ်က သူတို့သန္တာန်မှာ ဣဿာဖြစ်နေတာကို သူတစ်ပါးသိသွားမှာကိုလည်း စိုးရိမ်တယ်။ အဲဒီတော့ ပညာတတ်က အောင်မြင်နေတဲ့လူတစ်ယောက်ရဲ့ မပြောပလောက်တဲ့ အပြစ်ကလေးကို ခပ်ပါးပါး ထောက်ပြပြီးအမှတ်ယူတတ်တယ်။ အပေါ်ယံ ကြည့်ရင်တော့ အောင်မြင်နေတဲ့ လူရော၊သူ့နောက်လိုက်တပည့်တွေကိုပါ မှားမှာစိုးလို့ သတိပေးတဲ့ ပုံစံမျိုးပေါ့။
အမှန်က မိမိရဲ့ဣဿာကို သူတစ်ပါး မသိအောင် ခပ်ပါးပါး လှစ်ပြတာပါပဲ။

၈။ မြန်မာအများစု မကြီးပွါးခြင်းရဲ့ နံပါတ်ရှစ် အကြောင်းကတော့ စာပေဗဟုသုတမရှိတာပါပဲ။

၉။ နံပါတ် ၉ အကြောင်းကတော့ ဒေသန္တရဗဟုသုတ မရှိတာပါပဲ။ ဒါကြောင့်စာပေဗဟုသုတရှိအောင် စာမျိုးစုံ ဖတ်သင့်ပြီး တစ်နှစ် တစ်ကြိမ်ဒေသန္တရဗဟုသုတခရီးကို သွားသင့်ပါတယ်။

၁၀။ နံပါတ်တစ်ဆယ် အကြောင်းကတော့ ခေါင်းဆောင်စိတ် နည်းပါးတာပါပဲ။ကောင်းတဲ့ အလုပ်ဆိုရင် မခိုင်းဘဲ လုပ်တာ။ အလုပ်ကို အများကြီး လုပ်ပြီးအခွင့်အရေးကို နည်းနည်းယူတာတွေဟာ ခေါင်းဆောင်စိတ်ပါပဲ။ဆန့်ကျင်ဘက်အားဖြင့် ခိုင်းမှ လုပ်တတ်တာ။ အလုပ်ကို နည်းနည်းလုပ်ပြီးအခွင့်အရေး အများကြီးယူတာဟာ နောက်လိုက်စိတ် ခေါ် ကျွန်စိတ်ပါပဲ။

၁၁။ မြန်မာအများစု မကြီးပွါးခြင်းရဲ့ ၁၁ ခုမြောက် အကြောင်းကတော့ကိုယ့်အားကိုယ်ကိုးလိုစိတ် နည်းပါးတာပါပဲ။ အနောက်တိုင်းနိုင်ငံ အများစုကအရှေ့တိုင်းနိုင်ငံ အများစုထက် ချမ်းသာကြွယ်ဝနေရခြင်းရဲ့ အဓိကအကြောင်းဟာ၁၈ နှစ်ပြည့်တာနဲ့ ကိုယ့်အားကိုယ်ကိုးပြီး စီးပွါးရေး အလုပ်လုပ်ကြလို့ပဲ။
အနောက်နိုင်ငံက လူငယ်တွေဟာ ၁၈ နှစ်ပြည့်ပြီးတာနဲ့ လူကြီးဖြစ်ပြီလို့သတ်မှတ်ပြီး စီးပွါးရေးလုပ်ငန်း၊ တစ်နည်း ငွေဝင်တဲ့ လုပ်ငန်းတစ်ခုခုကိုမဖြစ်မနေ လုပ်ကြတော့တာပဲ။

မြန်မာအမျိုးသမီးတစ်ဦး နယူးဇီလန်နိုင်ငံကို ပညာတော်သင် ရောက်သွားတယ်။တစ်နေ့ ကိစ္စတစ်ခုရှိလို့ တက္ကစီ ငှားစီးသွားတယ်။ ကားမောင်းသမားလေးက အသက်ငယ်ရွယ်သူလေး ဖြစ်နေလို့ ကျောင်းမတက်ဘူးလားလို့ မေးကြည့်တဲ့အခါဆေးတက္ကသိုလ် နောက်ဆုံးနှစ် ကျောင်းသားဖြစ်နေတယ်။ မြန်မာအမျိုးသမီးဆိုတော့မြန်မာပြည်ရဲ့ အလေ့အထအတိုင်း မိဘက မတတ်နိုင်လို့ တက္ကစီမောင်းနေရတာလို့ထင်သွားတာပေါ့။

သန်း - အဲဒီအတိုင်း ဟုတ်ပါသလား ဘုရား။

မေတ္တာရှင် - ဘယ်ဟုတ်ရမှာလဲ။ မေးလိုက်တဲ့အခါ ဟိုက ဘယ်လို ပြောသလဲဆိုတော့ကျွန်တော်တို့ နိုင်ငံရဲ့ အလေ့အထက အနောက်တိုင်းဆန်ပါတယ်။ ဒါကြောင့် ၁၈နှစ် ပြည့်ပြီးတာနဲ့ မိဘကို အားကိုးပြီး မနေကြပါဘူး။ ကိုယ်ပိုင်လုပ်ငန်းတစ်ခုခုလုပ်ပြီး ငွေရှာပါတယ်။ အဲဒီငွေနဲ့ ကျောင်းတက်ပါတယ်။ ၁၈ နှစ်
ပြည့်ပြီးရင် လူကြီးဖြစ်ပြီလို့ သတ်မှတ်ပါတယ်။ လူကြီးဘဝ ရောက်နေပြီဖြစ်ရက်နဲ့ မိဘလုပ်စာ ထိုင်စားရမှာ မိဘလုပ်စာနဲ့ ကျောင်းတက်ရမှာကိုအင်မတန် ရှက်ကြပါတယ်။

၁၈ နှစ်ပြည့်ပြီး သူငယ်ချင်းတွေ တွေ့ကြတဲ့အခါ ဘယအလုပ် လုပ်သလဲလို့မေးမြန်းနှုတ်ဆက်တတ်ပါတယ်။ ၁၈ နှစ်ပြည့်ပြီးသူ ဖြစ်ရက်နဲ့ စီးပွါးရေးအလုပ်တစ်ခုမှ မလုပ်တဲ့သူကို လူရာမဝင်သူလို့ သတ်မှတ်ပြီး ဘယ်သူမှအပေါင်းအသင်း မလုပ်ကြပါဘူးလို့ အားရပါးရ ပြန်ပြောတယ်။

သန်း - တပည့်တော်တို့ မြန်မာလူငယ်တွေနဲ့ ကွာလိုက်တာ ဘုရား။ ဒီမှာတော့ကိုယ့်ကျောင်းစရိတ် ကိုယ်ရှာပြီး ကျောင်းတက်တဲ့လူကို ဆင်းရဲသားဆိုပြီးဝိုင်းအထင်သေးကြတယ်။ မိဘလုပ်စာစား၊ မိဘအိမ်က ကားနဲ့ စတိုင်ကျကျကျောင်းတက်နိုင်သူကိုမှ သူဌေးဆိုပြီး အထင်ကြီးကြတယ်။

မေတ္တာရှင် - အေး ဟုတ်တယ်။ မြန်မာ အများစုဟာ ဂုဏ်မယူသင့်တာတွေကိုဂုဏ်ယူပြီး ဂုဏ်ယူသင့်တာကို ဂုဏ်မယူတဲ့အတွက် ကြီးပွါးသင့်သလောက်မကြီးပွါးကြတာဘဲ။

~~~
မေတ္တာရှင်(ရွှေပြည်သာ)၏ လူငယ်များအတွက် ဂမ္ဘီရဝိပဿနာ -

ဆောင်းပါးမှကူးယူဖော်ပြပါသည်။

ဆက်ဖတ်ရန် >>>