ဘုန်းဘုန်းတို့ဘက်မှာ ထမင်းစားလို့ရှိရင် များသောအားဖြင့် ဇွန်းနဲ့မစားကြဘူး။ လက်န့ဲ ပဲစားကြတာ များတယ်။ တစ်ခါကလူတစ်ယောက်ဟာ သူ့အမျိုးတွေရှိတဲ့အရပ်ကို အရေးပေါ် ခရီးသွားရတယ်။ သူရောက်ချိန်မှာ အမျိုးတွေက ထမင်းစားနေချိန်ဖြစ်နေတယ်။ အိမ်ရှင်တွေက…
“…………..ရေ လာလာ၊ ထမင်းစားပါဦး၊ တို့နဲ့ပဲ တစ်ခါတည်းဝိုင်းလိုက်ကြရအောင်”
“ခင်ဗျားကလည်း အားနာနေတာလား၊ အားမနာပါနဲ့ လာပါ”
“ကျနော် တကယ်မဆာသေးလို့ပါ၊ စားကြ စားကြ”
ဧည့်သည်ဟာ အမှန်တကယ်တော့ ဗိုက်ဆာနေတယ်(လမ်းကြောင်းမှာက စားဖို့ ထမင်းဆိုင် မရှိဘူးလေ)။
ကိုယ်ဝင်စားလို့  သူတို့ တွေမလာက်မငှဖြစ်လေမလား(စားချိန်ကျမှ ရောက်သွားတာကိုး) ၊စားနေကျမဟုတ်တော့ စားရမှာလည်း ရှက်တာနဲ့  အင်တင်တင် လုပ်နေတာ ဖြစ်တယ်။
အဲဒီလိုနဲ့ အိမ်ရှင်မိသားစုတွေ ပျော်ပျော်ပါးပါး အားရပါးရစားနေကြတာကိုမြင်နေရတော့(ဗိုက်ကလည်း ဆာလှပြီ) သူလည်း မနေနိုင်တော့တာနဲ့ စားမယ်လို့ ဆုံးဖြတ်လိုက်ပြီး လက်ထဆေးလိုက်တယ်။
အဲဒီတော့..အိမ်ရှင်က(မရိပ်မိတာလား၊ မသိချင်ယောင်ဆောင်တာလား)မေးတယ်ပေါ့။
“ဘာလုပ်ဖို့ လက်ဆေးတာလဲ” တဲ့ ။
ဧည့်သည်လည်း ရှက်ရှက်နဲ့  ဗိုက်ကိုပွတ်ပြီးပြန်ဖြေလိုက်တာကတော့....
“ဆေးလိပ်သောက်မလို့” ........... တဲ့လေ။ @တောက်ပကြယ်စင်
ကျနော်ဒီပိုစ့်လေးကို ဖတ်ရင်းနဲ့ ပြုံးမိတယ်။
‘‘ ကာလ၊ ဒေသ၊ ပယောဂ ’’ ကို မှန်မှန်ကန်ကန် မဆုံးဖြတ်နိုင် ခဲ့ လို့  ဘယ်နှစ်ခါလောက်များ
ကျနော် လက်ဆေးပြီးမှ ဆေးလိပ်သောက်ခဲ့ ရသလဲလို့  ပြန်စဉ်းစားကြည့်နေရင်းပေါ့.....
No comments:
Post a Comment