သင်္ကြန်တွင်း သိကြာမင်း လူ့ပြည်ဆင်းတယ်ဆိုတာ ဟုတ်နိုင်မဟုတ်နိုင် စဉ်းစားကြည့်ကြပေါ့ဗျာ။

မြန်မာနှစ်ဆန်းရက်အကြောင်း

  

မြန်မာနှစ်ဆန်းတစ်ရက်ဆိုတာ ကမ္ဘာက နေကို တစ်ပတ် ပတ်မိ တဲ့ အချိန်ကိုပြောရတာဖြစ်ပါတယ်။

နေကိုတစ်ပတ်ပတ်မိပီး မိဿရာသီအစကို ပြန်ရောက်ဖို့ 365ရက် 6နာရီ ၀န်းကျင်ကြာပါတယ်။ ဒါကြောင့် မြန်မာနှစ်ဆန်းတစ်ရက်နေ့ဟာ အနောက်တိုင်းပြက္ခဒိန်မှာ နှစ်စဉ် ဧပြီ 16-17 ရက်နေ့ ပတ်ဝန်းကျင် ဖြစ်ရ ပါတယ်။ အနောက်တိုင်း ပြက္ခဒိန်မှာ တစ်နှစ်ကို 365ရက်ရှိလို့ဖြစ်ပါတယ်။ ရက်ထပ်နှစ်မှာတော့ 366 ရက် ရှိပါတယ်။ 4နှစ်မှ တစ်ကြိမ် ရက်ထပ်တာဆိုတော့ တစ်နှစ် ပျမ်းမျှ 365ရက် 6နာရီဝန်းကျင်နဲ့ သွားကိုက် ပါတယ်။

မြန်မာလတွေက ရက်မစုံ 6လ၊ ရက်စုံ 6လ စနစ်ဖြစ်လေတော့ တစ်နှစ်မှာ 354 ရက်ပဲရှိနေပါတယ်။

အနောက်တိုင်းရက်နဲ့ဆိုရင် 11 ရက် - 12 ရက်ကွာသွားပါတယ်။

3နှစ်ကျော်လာရင် နှစ်ဆန်းတစ်ရက်နေ့ဟာ တန်ခူးလဆန်း ၁ ရက်နေ့မှာ တစ်ကြိမ်တစ်ခါက ကျရောက် ခဲ့ သော်လည်း နောက်နှစ်တွေမှာ တန်ခူးလဆန်း ၁၂ ရက်ဖြစ်လိုက်၊ တန်ခူးလဆုတ် ၉ ရက်ဖြစ်လိုက်နဲ့ ကျ ချင်သလိုကျနေတာဖြစ်ပါတယ်။

Solar Year (နေ အခြေခံနှစ်) နဲ့ Lunar Year (လအခြေခံနှစ်) ကွာခြားချက်ကြောင့် ဖြစ်ရတာပါ။

အတာအိုး

အတာအိုးဆိုတာ သင်္ကြန်တွင်းမှာ သိကြားမင်းက လူ့ပြည်ကို ဆင်းလာတယ်လို့ အယူရှိတယ်.

အဲ့ဒီအချိန်မှာ သိကြားမင်းကို ကြိုတာပေါ့။ အဲ့ဒီအချိန်အတွင်းမှာ မကောင်းမှု တတ်နိုင်သမျှမလုပ်ဘဲ ကောင်းမှု ကုသိုလ်နဲ့ပဲမွေ့လျော် ကြပါတယ်။ ဒီလိုပါပဲ အတာအိုးနဲ့ အတူ အတာပန်းဆိုတာရှိတယ်။ အတာပန်းတွေကတော့

1. ခရေ ၁ ညွန်ု့
2. သီး ၁ ညွန့်
3. အုန်း ၁ ညွန့်
4. ထန်း ၁ ညွန့်
5. မာလကာ ၁ ညွန့်
6. တမာ နည်းနည်း
7. မြေဇာ နည်းနည်း

စသည်ဖြင့် နေ့ ၇ နေ့ကိုကိုယ်စားပြုတဲ့ ၇ နေ့နံပန်းနဲ့ပါ။ တစ်ချို့ကလဲ ပတ်ဝန်းကျင်ကိုမူတည်ပီး ဒန်း၊ ဇီး၊ စသည်ဖြင့် ထည့်ကြတယ်။ သင်္ကြန် ၄ရက်လုံး အတာအိုးနဲ့ကြိုပီး နှစ်ဆန်းတစ်ရက်နေ့ရောက်တော့ သဲဖြူ၊ ချည်ကြိုးတွေထပ်ဖြည့်ပီး အန္တရာယ်ကင်း ပရိတ်ရွတ်ကြတဲ့အခါ "အတာအိုး" နဲ့ "အတာပန်း" ကနေ "ပရိတ်အိုး" နဲ့ "ပရိတ်ပန်း" အဖြစ် အသွင်ကူးပြောင်းပီး မိမ်တို့အိမ် ပတ်ပတ်လည်မှာ "ပရိတ်ပန်း" "ပရိတ်သဲ"  တွေနဲ့ ကာရံပီး အန္တရာယ်ကင်းအောင် လုပ်တယ်လို့ အယူရှိတယ်။

မြန်မာရိုးရာ အယူအဆပါ။ ချစ်စရာကောင်းပါတယ်။

ပိစိhttp://burmainfo.blogspot.sg/2011/04/big-brothers-sisters-new-doc_9550.html

ဒီဆောင်းပါးလေးမှာ ပြောချင်တာက သင်္ကြန်ကာလမှာ သိကြားမင်း လူ့ပြည်ကို ဆင်း/မဆင်း ဆိုတဲ့ ကိစ္စလေးပါ။ လူတော်တော်များများ သင်္ကြန်တွင်းမှာ သိကြားမင်း လူ့ပြည်ကို ဆင်းပြီး “ခွေးသားရေပုရပိုဒ် ” နဲ့ မကောင်းမှု ကျူးလွန်သူတွေကို မှတ်တမ်းတင်လေ့ ရှိတယ်လို့ ဆိုကြပါတယ်။ ဒါ တကယ် ဟုတ်ပါရဲ့လား။

သင်္ကြန်စာ လည်ရောင်းတဲ့သူတွေကလည်း “ဒီနှစ်မှာ သိကြားမင်း ကျွဲစီးဆင်းမယ်” “ဘီလူးစီး ဆင်းမယ်” စသည်ဖြင့် အောင်ဟစ်ရောင်းချ ကြလေ့ရှိပါတယ်။ ကာတွန်းတွေထဲမှာလည်း သိကြားမင်းလူ့ပြည်ဆင်းတဲ့ ဟာသကာတွန်းတွေကို အမြဲလို တွေ့နေကြတော့ တကယ်ဘဲ သိကြားမင်းလူ့ပြည်ဆင်းသလားပေါ့။ ထင်ကြမှာဘဲလေ။

သာမန်လူတွေကတော့ ထားပါတော့လေ။ မြန်မာနိုင်ငံမှာ နာမည်အကြီးဆုံးလို့ ဆိုလောက်တဲ့ ဗေဒင်ပညာရှင်တစ်ဦးက အင်တာဗျုး တစ်ခုမှာ ဒီလိုပြောထားသဗျ။

“အခုနှစ်သင်္ကြန်စာမှာ သိကြားမင်းက ကျွဲစီးပြီး ဆင်းလာမယ်၊ လက်တဘက်က ရေအိုးနဲ့ နောက်လက်တဘက်က ပန်းကိုင်ပြီး ဆင်း လာမယ်” လို့ ရေးထားသဗျ။ “ထူးထွေသည့် အံ့ရာသော်” လို့သာဆို ချင်တော့တာပါဘဲဗျာ။

တကယ်တော့ သင်္ကြန်စာထဲမှာပါတဲ့ “အချွန်အတက်တွေပါတဲ့ ဦးထုပ်ကြီးဆောင်းထားပြီး နတ်ဝတ် တန်းဆာတွေ ဆင်ယင်ထားသူ ပုဂ္ဂိုလ်ဟာ “သိကြာမင်း” မဟုတ်ပါဘူး။ “တနင်္ဂနွေဂြိုဟ်မင်း”သာ ဖြစ်ပါတယ်။ တနင်္ဂနွေဂြိုဟ်မင်းဆိုတာ တခြားဟုတ်ပါရိုးလားဗျာ။ “ဘာဏုရာဇာ” လို့ခေါ်တဲ့ “နေမင်းကြီး” ပါဘဲ။

ရှေးခေတ် နက္ခတ်ပညာရှင်တွေဟာ “တနင်္ဂနွေ ၊ တနင်္လာ ၊ အင်္ဂါ . . အစရှိတဲ့ ကောင်းကင်ကဂြိုဟ်တွေဟာ “နတ်ဒေ၀တာတွေ” လည်း ဖြစ်တယ်လို့ ယူဆခဲ့ဖူးတာမို့ ယနေ့ခေတ်ထိအောင် ဒီအယူအဆရဲ့ အငွေ့အသက်အဖြစ် ကျန်ရစ် နေပါသေးတယ်။ ဒါကြောင့်မို့ နေမင်းကြီး ကို နတ်တစ်ပါးအသွင် ဆောင်ယူကာ သင်္ကြန်စာထဲမှာ သရုပ်ဖေါ်ထားတာ ဖြစ်ပါတယ်။ ကျန်တဲ့သူတွေ မသိတာ ထားပါ။

ဗေဒင်ပညာရှင်တစ်ယောက်ကတော့ ဒါကို သိသင့်တယ် လို့ ထင်ပါတယ်။

တနင်္ဂနွေဂြိုဟ်မင်းဟာ နှစ်စဉ် ဧပြီလ (၁၆)ရက်ဝန်းကျင်မှာ “မိန်ရာသီ” ကနေ “မိဿရာသီ” ကို ကူးပြောင်းရောက်ရှိ ပါတယ်။ အဲဒီနေ့ဟာ မြန်မာသင်္ကြန်အတက်နေ့ ဖြစ်ပါတယ်။ ဒီလို တနင်္ဂနွေဂြိုဟ် မင်းကြီးဟာတစ်ရာသီကနေ တစ်ရာသီကို ကူးပြောင်း ရောက်ရှိ သွားတာ(တက်သွားတာကိုဘဲ) သိကြားမင်းကြီး ကောင်းကင်ပေါ်ပြန်တက်သွားတယ် လုပ်ကြပြန် ပါလေရော။

အဲဒီနေ့ အတက်နေ့ကိုဘဲ “အတာ,စားတယ်” ဆိုပြီး အတာအိုးထိုးကြတဲ့ ဓလေ့ ကလည်း ဘယ်ခေတ်ဘယ်အခါက ပေါ်လာတယ် မပြောတတ်ပါဘူး။ အတာစားတဲ့ နေ့သား (ယခုနှစ်ဆိုလျှင် သောကြာသား) ကျန်းမာရေး မကောင်းတတ်ဘူး၊ ကံညံ့တယ်လို့ ယူဆကြတာကိုလည်းကျွန်တော်လက်တွေ့ လေ့လာကြည့်တော့လည်း သိပ်မမှန်လှပါဘူး။ တိုက်ဆိုင်တာလေးတွေရှိတတ် ပေမယ့် အဓိကက လူတစ်ဦးခြင်းရဲ့ ကံဇာတာနဲ့ဘဲ ပိုဆိုင်ပါတယ်။

ဒီလို ကာလရှည်ကြာစွာ အမှတ်မှားလာခဲ့ကြတော့ နောက်ဆုံး ဒါကဘဲ အမှန်တရားလို ဖြစ်လာပါတယ်။ ပြောရရင်တော့ သိကြားမင်း ဘဲဖြစ်ဖြစ်၊ တနင်္ဂနွေဂြိုဟ်မင်းဘဲ ဖြစ်ဖြစ် သိပ်တော့လည်းမရေးမကြီးလှပါဘူး။ သူ့ဟာသူ ဘာကြီးဘဲ ဆင်းဆင်း ကိုယ်နဲ့ အနေသာကြီးပါ။

ဒါပေမယ့် အမှန်တရားလေးကို သိစေချင်တဲ့ ဆန္ဒလေးပါဘဲ။

နောက်တစ်ခုက ဗုဒ္ဓဘာသာကျမ်းစာတွေအရ လူ့ပြည် နဲ့ နတ်ပြည် အချိန်ကာလ ကွာခြားမှု အလွန်ကြီးမားပါတယ်။ နတ်ပြည် (၆)ထပ်ရဲ့ အောက်ဆုံးဘုံဖြစ်တဲ့ “စတုမဟာရာဇ်”ဘုံမှာတောင်မှ သူတို့တစ်ရက်ကလူ့ပြည်အနှစ်(၅၀)နဲ့ ညီမျှတယ်တဲ့။ တာဝတိံသာ ဆိုရင်တော့မပြောနဲ့တော့။

ဒီတော့ လူ့ပြည့်မှာ သင်္ကြန်အကျနေ့ကနေ အတက်နေ့အထိ (၃-၄)ရက်ကာလလေးမှာ တစ်နှစ်တစ်ခါ လူ့ပြည်ကို ဆင်းနေရရင် သိကြားမင်းခမျာ လူ့ပြည်က ပြန်တက်သွားလိုက် ၊ တအောင့်လောက်နေတော့တစ်နှစ် ပြည့်သွားလို့ ပြန်ဆင်း လာလိုက် နဲ့ “ပလ္လင်ပေါ်က မျောက်ကလေး၊ ဆင်းတက်လို့ပြေး၊ ဂျာအေး” ဆိုတာလိုဖြစ်နေမယ်ထင်ပါတယ်။

သိကြားမင်းကြီးခမြာ အခုတက်လိုက်/အခုဆင်းလိုက်-

အခုတက်လိုက်/အခုဆင်းလိုက်နဲ့ သူ့ရဲ့ စည်းစိမ်ကိုတောင်မှ မခံစားရဘဲ လူ့ပြည်နဲ့ နတ်ပြည်ကြားမှာ “ဂျာအေးသူ့အမေရိုက်” ဖြစ်နေမှာကို မြင်ယောင်မိပါသေးသဗျာ။

ဒီတော့ သင်္ကြန်တွင်း သိကြာမင်း လူ့ပြည်ဆင်းတယ်ဆိုတာ ဟုတ်နိုင်မဟုတ်နိုင် စဉ်းစားကြည့်ကြပေါ့ဗျာ။ ရေပက်ခံကား တစ်စီးစီး ပေါ်မှာများ သိကြားမင်းကြီး “အိုးလေး လှုပ်ပါဟေ့ အိုးလေးလှုပ်ပါဟေ့ –

သီချင်းဆိုပြီး “ကဲ” နေတာကို

မျက်ဝါးထင်ထင်တွေ့တဲ့လူများ ရှိကြရင် ကျွန်တော့်ဆီ အကြောင်းကြားကြပါဦး။

.

နှစ်ဟောင်းကုန် နှစ်သစ်ကူးချိန်မှာ ရယ်မောပျော်ရွှင်နိုင်ကြပါစေ။

ဒေါက်တာတင်ဗိုလ်ဗိုလ်(ကွန်ပြူ-ဗေဒသုခုမ)http://forum.mmitd.com/profiles/blogs/2257474:BlogPost:569521